Gibutyag karon ni Filipino boxer Eumir Marcial ang mga hagit nga nasugatan niini sa bag-ohay lamang nga natapos nga 33rd Southeast Asian Games sa Bangkok, Thailand.
Matud niini nga isip nag-inusarang representanteng boksidor sa nasud nga nakadaog og bulawang medalya sa SEA Games, dili kini sayon nga tahas.
Isip kasamtangang WBC International Champion, nagtuo kini nga maapektuhan ang propesyonal nga karera kung mapakyas kini sa pagsakmit sa kadaogan.
Usa sa mga hagit nga giatubang niini mao ang paggamit sa organizers og 3.5-meter Velcro wraps nga gikaingong dili luwas sa mga kamot sa mga boksidor.
Sukad sa pagsugod sa torneyo, daghang mga boksidor ang nasamdan sa kamot tungod sa dili angay nga hand wraps.
Apan determinado kini nga makadaog og bulawang medalya, giagwanta niini ang kasakit aron di maguba ang karera sa boksing.