Pirmado na ni US President Donald Trump ang usa ka executive order nga nagtakda sa sa Estados Unidos nga makapadala pag-usab og mga astronaut sa bulan sa dili pa matapos ang 2028.
Tumong sa maong lakang ang pagpalig-on sa depensa sa nasud batok sa mga hulga sa kawanangan nga adunay temang “Ensuring American Space Superiority.”
Ang maong mando nagmando sa Pentagon ug sa mga ahensya sa intelihensiya sa US nga maghimo og space security strategy, mosuporta sa mga missile-defense technologies, ug magpalig-on sa koordinasyon sa national security sa kawanangan ilalom sa chief science adviser sa White House.
Nasayran nga ang target nga moon landing sa 2028 kabahin sa kompetisyon sa US batok sa China, nga nagtinguha usab nga makapadala sa ilang unang crewed mission sa bulan sa 2030.
Bisan pa niini, nag-atubang og mga hagit ang plano tungod sa mga pagkalangan sa dagkong mga proyekto sama sa SpaceX Starship, lakip na usab ang pagkunhod sa budget ug sa gidaghanon sa mga empleyado sa NASA.