Patay ang dili moubos sa Dose (12) ka indidbidwal samtang samdan ang onse (11) ka uban pa human gipaulanan og bala sa duha ka armadong lalaki ang mga sibilyan sa Bondi Beach, Australia niadtong Domingo, Disyembre 14.
Sumala sa taho sa kapulisan, nakakustodiya na ang mga suspek, diin ang usa niini anaa sa kritikal nga kahimtang human maigo atol sa pagbinayloay og bala sa mga awtoridad.
Subay niini, mipagawas og pamahayag pinaagi sa internet si Prime Minister Anthony Albanese ug gisulti nga nagdala og kakurat ug dakong kabalaka sa publiko ang maong panghitabo.
Sa pagkakaron, wala pa maghatag og dugang nga impormasyon ang mga awtoridad mahitungod sa motibo sa insidente samtang padayon ang imbestigasyon.
Ang maong insidente sa pagpamusil mao ang pinakabag-ong natalang mass shooting sa Australia sulod sa miaging 29 ka tuig.