Nasikop ang usa ka lalaki atol sa gihimong drug buy-bust operation sa Valencia City, Bukidnon, alas 12:03 sa kaadlawon ning adlawa Disyembre 9, 2025.
Giila ang dinakpan nga si alyas “Jerome,” 24-anyos.
Nakumpiska atol sa operasyon ang 4 ka pakete sa gituohang shabu, usa ka kaha sa sigarilyo diin gibutang ang illegal nga droga, P500 nga kwarta, ug usa ka yunit sa cellphone.
Ang tanang nakumpiska nga shabu adunay kinatibuk-ang gibug-aton nga 5.3 gramos nga nagkantidad og P36,040.
Gipasaka na usab og kasong paglapas sa Comprehensive Dangerous Drugs Act of 2002 ang dinakpan ug kasamtangan nakakustodiya sa Valencia City Police Station.
Samtang ang nakumpiskang illegal nga droga gipasa sa Provincial Forensic Unit sa Malaybalay City alang sa eksaminasyon.