Gisulayan sa aktres nga si Katrina Halili ang “P500 DTI Noche Buena Challenge” aron masuta kung tinuod bang makaprepara og pang-Noche Buena sulod lamang sa lima ka gatos ka pesos.
Ang maong isyu mitumaw human sa pamahayag sa Department of Trade and Industry nga mahimong makapalit ang usa ka pamilya og yano nga pagkaon alang sa Kapaskohan gamit ang maong kantidad, nga nakapukaw sa daghang reaksiyon sa publiko.
Nunot niini, gisulayan sa aktres ang pagpamalit ubos sa limitasyon apan nakita ang aktres nga naglisod kini hilabi na kung hisgutan ang tipikal nga pagkaon nga gilauman sa usa ka Noche Buena ug milapas sa P500 ang kinatibuk-ang kantidad sa nabayran.
Nagpadayon ang diskurso sa mga konsumedor ug netizens nga nagtandi sa pamahayag sa ahensya ug sa tinuod nga presyo sa palaliton karon nga labing miusbaw, samtang naghulat ang publiko og mas klaro ug opisyal nga pamahayag kabahin sa aktuwal nga resulta sa maong giingong “challenge.”