Lalaking igo ra nagkaon, gitigbas gumikan sa selos!

Hilabihan ang pagmahay sa usa ka 65 anyos nga lalaki human niining gitigbas ang iyang higala sa Purok-4, Langaon, Baungon, Bukidnon samtang igo ra nagkaon ang biktima.

Sa nahimong imbestigasyon sa otoridad, selos ang tinubdan sa krimen sa dihang naabtan sa suspek ang iyang 72 anyos nga asawa nga nagkaon kauban ang 57 anyos nga biktima.

Apan, ayha pa man ang maong krimen, nagkalalis matud pa ang suspek ug ang  biktima ug sa dihang miuli na ang biktima, nasayrang gisundan matud pa kini sa suspek.

Gumikan sa pagpanggigil sa suspek, natigbasan niini ang biktima sa kamot ug sa tiyan niini. Hinoon, nagpaalim na ang biktima ug gipasakahan na sab og kasong frustrated homicide ang suspetsado.