Mukabat sa P871,624 ang kantidad sa illegal nga droga nga nakumpiska sa kapulisan sa Kalilangan, Bukidnon atol sa operasyon sa Purok 6, Central Poblacion, Kalilangan.
Ang maong operasyon miresulta sa pagkasikop sa duha ka suspek diin lakip niini ang usa ka High-Value Individual.
Giila anh mga dinakpan nga sila si alias “Cogs”, usa ka lalaki nga giilang High-Value Individual, ug si alias “Inday”, 28 anyos, babaye.
Nakumpiska atol sa operasyon ang lima ka pakete sa gituohang shabu, usa ka brown nga pitaka, puti nga handbag, itom nga sling bag, lighter bag, driver’s license, usa ka cellphone, usa ka sakyanan nga adunay plate number AEB 9176, ug P1,350 nga kwarta.
Gibanabana nga mutimbang og 128.18 ka gramo ang shabu nga nakumpiska, nga adunay standard drug price nga P871,624.
Samtang ang mga dinakpan anaa na sa kustodiya sa Kalilangan Municipal Police Station og mag-atubang sa kasong paglapas sa Comprehensive Dangerous Drugs Act of 2002.