US, nanawagan sa mga nasud nga hunongon ang pagsuplay og armas sa paramilitary sa RSF sa Sudan

Nanawagan ang US sa ubang mga nasud nga ihunong ang pagsuplay og mga armas sa paramilitary nga Rapid Support Forces kon RSF sa Sudan.

Sigon ni US Secretary of State Marco Rubio, ang maong grupo mao ang nagpalikod sa halapad nga mga pagpamatay sa lungsod el-Fasher sa Sudan.

Gikatahong daghang sibilyan ang gilugos niini ug wala’y kaluoy nga gipatay.

Gihimo ni Rubio ang maong panawagan sa katapusang adlaw sa G7 foreign ministers meeting sa Canada.

Giakusahan sa kasundalohan sa Sudan ang United Arab Emirates nga nagsuplay og mga armas sa RSF, nga hugot nga gipanghimakak sa UAE.

Sukad sa Abril tuig 2023, ang RSF nakigbatok sa kasundalohan tungod sa pagsulay sa pag-ilog sa gahum.