IMPASUGONG, BUKIDNON – Mitahan ang lima (5) ka miyembro sa New People’s Army kon (NPA) sa operasyon sa 8th Infantry Battalion, Nobyembre 12, 2025, sa Bukidnon dala niini ang duha ka armas nga ilang gihuptan.
Matud ni Battalion Commander LTC. Jeorge Jallorina, ang lima ka mitahan gikan sa dismanteled guerilla units sa Upper Pulange, Guerilla 589 ug SRC 4.
Giila kini nga dako nga kalampusan alang sa ilang buhatan tungod kay adunay pipila ka rebelde nga mibalik na sa gobyerno. Usa sa mga rason sa ilang pagtahan mao ang kabag-ohan sa ilang kinabuhi human sa pipila ka tuig sa kabukiran ug ang pagaplikar sa mga benepisyo sa gobyerno sama sa amnesty program ug Enhanced Comprehensive Local Integration Program kon (E-CLIP).
Giawhag usab sa military ang uban pang NPA nga anaa pa sa kabukiran nga mubalik sa gobyerno ug gamiton ang mga programa nga gitanyag para sa ilang reintegration sa katilingban.
Kahinumduman nga miaging buwan, pipila ka mga NPA ang mitahan sa St. Peter sa syudad sa Malaybalay, lakip na sa lungsod sa Impasugong, Bukidnon.Ang operasyon nagpakita sa padayon nga kolaborasyon tali sa militar ug gobyerno aron mapakunhod ang rebelyon sa lalawigan ug mapadali ang reintegration sa mga kanhi rebelde.