Gipasuspenso sa United Kingdom (UK) ang pagpaambit sa intelligence ngadto sa Estados Unidos (US) kalabot sa mga barkong nalambigit sa drug trafficking sa Caribbean. Kini tungod kay nagtuo ang UK nga iligal ang gihimong airstrikes sa US batok sa mga barkong nagdala ug droga.
Ang desisyon sa UK nagpasabot ug dakong kabalaka ug laparo sa ilang kaalyado nga dugay na nilang kauban sa intelligence sharing, human daghang lider ang nagpangutana sa legalidad sa kampanya sa US military sa Latin America.
Sa miaging mga tuig, ang UK adunay kontrol sa pipila ka mga teritoryo sa Caribbean, diin ang ilang mga military base ug intelligence assets nakatabang sa US sa pag-ila sa mga barkong nagdala ug droga.
Ang mga impormasyon dayon gipadala sa Joint Interagency Task Force South nga nahimutang sa Florida. Kahinumduman usab nga gitawag sa United Nations (UN) nga iligal ug dili makatarunganon ang gihimong airstrikes sa US batok sa mga barkong nagbista og droga.