Midangop ang Bureau of Internal Revenue (BIR) sa Department of Justice aron magsumite ug kriminal nga kaso batok sa gitawag nga “BGC Boys” o Bulacan Group of Contractors, nga may kalabotan sa P1.6 bilyon nga wala ma-report nga kita ug kakulang sa buhis gikan sa tuig 2020 hangtod 2024.
Lakip sa gipasakaan ug reklamo mao ang kaniadto nga DPWH Bulacan first district engineer Henry Alcantara, former assistant district engineer Brice Ericson Hernandez, ug former construction section chief Jaypee Mendoza.
Ang tulo giakusahan sa tax evasion ug sa pagkapakyas sa pag-file ug paghatag sa husto ug tukma nga impormasyon sa income tax returns.
Dugang pa, mag-atubang sila og kriminal nga kaso tungod sa gikaingong kalambigitan sa mga peke nga flood control projects.
Sumala ni BIR Commissioner Romeo Lumagui Jr., kini ang ikaduhang batch sa mga kaso nga may kalabotan sa maong isyu.