Pagpananom sa panimalay, gipalig-on sa Malaybalay pinaagi sa libreng binhi ug abono

Padayon ang pag apud apod sa libreng mga binhi, organic fertilizer ug organic pesticides sa tibook dakbayan sa Malaybalay.

Matud pa ni Mark John Pocong, City Agriculturist sa syudad, importante kaayo ang pagtanom sa mga utanon sa panimalay aron adunay magamit sa umaabot nga panahon labi na sa panahon sa kalisod sa pagkaon.

Dugang usab niini nga kini nga programa abli para sa tanang mga indibidwal nga gustong magtanom ug makatabang sa pagpauswag sa ilang kaugalingong panimalay ug komunidad.

Alang sa kadtong interesado mo-avail sa libreng mga gihatag nga mga gamit sa pagpananom, gi-awhag nga magpaabot sa schedule sa ilang mga barangay.