SRA nagpasalig nga bastante ang suplay sa asukal

Gipaniguro sa Sugar Regulatory Administration kon (SRA) nga magpabiling igo ang suplay sa asukal sa nasud hangtod sa sunod nga tuig.

Bisan pa man nga ginadili una  ang pag-import  sa asukal hangtod tunga-tunga sa  tuig 2026, matud ni SRA Administrator Pablo Azcona, dili kini makapaapekto sa suplay gumikan bag-o lamang natapos ang anihan niadtong Septyembre.

Dugang pa niini, kompleto ang reserve stocks ug padayon pa ang pag-ani sa mga lokal nga mag-uuma.

Aduna usab sila mga lakang nga andam ipatuman kon adunay kalit nga kakulangon sa suplay sa asukal. Kahinumduman nga unang ipinatuman sa Department of Agriculture kon (DA) ang pagdili sa pag-angkat sa asukal aron matabangan nga masulbad ang problema sa ubos nga presyo.