Nasikop sa kapulisan ang usa ka suspek nga nagpayuhot ug ilegal nga druga, niadtong Abril 10, 2025, alas 6:52 sa gabii sa P-2, Brgy Pay-as, Kadingilan, Bukidnon.
Nagpahigayon og buybust operation ang Kadingilan MPS nga miresulta sa pagkasikop sa 38 anyos, lalaki, 1 ka Newly Identified Drug Personality.
Ang mga nasakmit nga ebidensiya atol sa operasyon ang 5 ka heat-sealed transparent plastic sachet sa gituohang shabu, Php 2500.00, 1 ka unit nga OPPO touchscreen nga cellphone nga kolor sky blue; 1 ka flashlight box nga kolor berde ug 1 ka sling bag nga kolor itom.
Ang kinatibuk-ang nasakmit nga mga ebidensiya nga gituohang shabu dunay kinatibuk-ang gibug-aton nga 4 gramo nga nagkantidad og Php 27,200.00.
Ang dinakpan nga suspek uban ang mga ebidensiya gidala sa Kadingilan MPS para sa saktong disposisyon ug iduso pa sa Provincial Forensic Unit alang sa eksaminasyon.
Mga kaso sa paglapas sa Seksyon 5 ug 11, Ang Article II sa RA 9165 giandam ni batok sa mga dinakpan nga suspek.