Gibutyag ni House Appropriations Panel Vice Chair ug Batangas 1st District Representative Leandro Leviste nga pipila sa mga miyembro o sakop sa team ni Department of Public Works and Highways kon (DPWH) Secretary Vince Dizon adunay koneksyon sa mga kontraktor nga nalambigit sa kontrobersyal nga flood control anomaly.
Matud ni Leviste, nakadawat kini og impormasyon gikan sa mga kaubanan sa Kamara de Representantes.
Samtang gihagit ni Department of Public Works and Highways (DPWH) Secretary Vince Dizon si Batangas Rep. Leandro Leviste nga panganlan ang mga two sa kalihim nga gipasanginlang nalambigit sa kontrobersyal nga flood control scandal.
Kini human gibutyag ni Leviste nga pipila sa mga miyembro sa team ni Dizon adunay koneksyon sa mga kontraktor nga nalambigit sa iregularidad sa proyekto.
Matud ni Dizon, andam ang DPWH nga paimbestigahan ang isyu ug buot niini nga mapreserba ang integridad ug transparency sa ahensya, samtang iyang gisaad nga padayon niyang panalipdan ang DPWH batok sa korapsyon ug pag-abuso sa ilang buhatan.
Sa laing bahin, usa si Leviste sa mibabag sa pag-apruba sa 2026 National Budget ug gipanawagan nga tapyasan ang pondo sa mga proyekto sa DPWH aron mapugngan ang kickbacks.
Base sa pamahayag niini, gikumpara kini sa gipadayag kaniadto ni kanhi DPWH Undersecretary Roberto Bernardo nga halos 100% sa mga bidding sa DPWH lutong-makaw matud. Gisugyot ni Leviste nga panub-an og 25% ang kantidad sa mga proyekto aron mapugngan ang ₱150 bilyon nga kickbacks.
Dugang pa ni Leviste, bisan pa nga wala manginlabot ang uban nga kongresista sa mga kickbacks, aduna gihapo’y uban nga nakapahimulos niini.