Gipangusgan ni PBGen. Christopher Nortez Abrahano, Acting Regional Director sa Police Regional Office–10 (PRO-10), ang determinasyon sa kapulisan sa Bukidnon nga mapaligon pa ang mga programa batok sa kriminalidad atol sa iyang opisyal nga pagbisita sa PNP-Bukidnon Headquarters sa Camp Captain Ramon Onahon, Barangay 7, Malaybalay City.
Ang maong pagbisita nagtinguha sa pagmonitor sa kahimtang sa peace and order sa probinsya ug sa rehiyon.
Gipalig-on usab ni Abrahano, ang counter intelligence effort aron madisplina ug masuta ang mga personahe nga gaabusar sa katungdanan.
Dugang pa ni Abrahano, nga mas pangusgan usab ang visibility patrols, ug pagpatuman sa mga kampanya batok sa illegal gambling, illegal nga droga ug uban pang krimen aron mapanalipdan ang katawhan.
Lakip sa mga giatiman nga isyu mao ang pagpakusog sa community engagement ug pagpalambo sa kapasidad sa mga police personnel.