Makakuha na og kopya sa Statement of Assets, Liabilities and Net Worth o SALN sa mga opisyal sa gobyerno ang publiko.Kini ang gibutyag ni Ombudsman Jesus Crispin Remulla human siyang mipagawas og memorandum nga nagsulti nga ang SALN usa ka pampublikong dokumento.
Sumala ni Remulla, ang maong lakang gitumong aron mapalig-on ang transparency sa serbisyo publiko ug mapugngan ang mga korapsyon ug abuso sa katungdanan.
Giingon pa sa Ombudsman nga pinaagi sa mas sayon nga access sa SALN, mas mahimong accountable ang mga opisyal sa ilang mga bahandi ug kalihokan ilabi na kung adunay kalit nga pagdaghan sa ilang mga kabtangan.
Apan bisan og giila kini nga public document, adunay proseso nga sundon ang mga gustong makakuha niini ug kinahanglan nga adunay klaro nga katuyoan ang paggamit sa dokumento.
Gihagit sab ni Remulla ang tanang ahensya sa gobyerno nga ipatuman ang transparency ug good governance pinaagi sa hapsay ug tukmang pag-file sa ilang SALN matag tuig.
Kini nga pahayag ni Ombudsman Remulla usa ka lakang aron mapa uli ang pagsalig sa katawhan sa mga institusyon sa gobyerno.