Gipanghimakak sa aktres nga si Kris Bernal ang pasangil nga gikopya matud pa niini si Heart Evangelista. Sa usa ka pamahayag, nahibulong si Kris kon asa nagikan ang mga alegasyon ug giklaro nga wala kini kamatuoran.
Matud pa sa aktres, dili kini susama kadato ni Heart, ug wala usab siyay mga mamahalong mga alahas o bag nga sama sa mga ginapanag-iya sa maong fashion icon.
Gipasabot usab ni Kris nga iyang ginadayeg si Heart Evangelista ug wala siya nanginahanglan o nainggit niini.
Apan, nahimo kini niyang inspirasyon aron mas maningkamot ug makab-ot ang kalampusan sa iyang kaugalingong paagi.
Kahinumduman nga si Heart Evangelista nailhan nga international fashion figure diin kanunay motambong sa Milan ug Paris Fashion Weeks, samtang si Kris Bernal kasamtangang nagbalik-acting human mopirma og kontrata sa usa ka sikat nga TV network sa nasud.