Miabot si kanhi house speaker ug Leyte 1st District Representative Martin Romualdez sa Independent Commission for Infrastructure kon (ICI), kaganihang buntag aron tubagon ang mga akusasyon batok niini kabahin sa mga isyu sa flood control.
Subay sa maong kasayuran, nagpasalig ang kongresista og hingpit nga kooperasyon isip usa ka resource person sa imbestigasyon nga gihimo sa ICI, kalabot sa gikaingong mga iregularidad sa mga proyekto sa flood control projects.
Si Romualdez, nga kaniadto nagsilbi isip House Speaker, nagpromiso nga andam siyang ipaambit ang tanan niyang kahibalo bisan og dili siya kabahin sa bicameral conference committee nga nag-apruba sa national budget karong tuiga.
Si Romualdez unang nalambigit sa mga alegasyon sa korapsyon human gikanta ang iyang pangalan sa usa ka kanhing sundalo ug staff ni Ako Bicol Party-list Representative Zaldy Co ug ang miangkon nga siya ang personal nga naghatod sa mga maleta nga puno sa kuwarta ngadto kang Congressman Co ug Romualdez.
Taliwala pa niini, gihingusgan ni Romualdez nga wala siya magbuhat ug bisan unsang sayop ug mikanaog sa sa pwesto isip House Speaker aron mapreserbar ang pagsalig sa publiko. Gipasabot usab niini nga padayon siyang mosuporta sa tanang proseso aron matino kung unsay tinuod ug mahatagan og hustisya ang isyu.