Nagrally si Cavite 4th District Rep. Kiko Barzaga uban sa pipila ka mga raliyista sa Buendia Gate sa Forbes Park niadtong Domingo, Oktubre 12, diin ilang gisinggit ang “Laban para sa bayan!” isip panawagan batok korapsyon.
Sumala ni Barzaga, gihimo nila ang rally aron ipakita ang kasuko sa katawhan batok sa mga politiko nga korap nga matud pa nagpuyo sa maong lugar.
Gipasabot usab ni Barzaga nga malinawon ang ilang kalihokan, ug ang tumong niini mao ang pagpahimangno sa mga opisyal nga nag-abuso sa pondo sa katawhan alang sa kaugalingong interes.
Ang rally sa Forbes Park mao ang pinakabag-ong lihok ni Barzaga batok sa korapsyon, human sa iyang unang protesta niadtong Setyembre 21, nga nagtumbok usab sa isyu sa pamulitika ug pag-abuso sa pondo sa gobyerno.