Gitudlo ni Pangulong Ferdinand “Bongbong” Marcos Jr. si Justice Secretary Jesus Crispin “Boying” Remulla isip bag-ong Ombudsman sa Pilipinas, giuyunan kini sa administrasyon human sa pagpangretiro ni Ombudsman Samuel Martires.
Una nang nahimong kontrobersiyal ang tuyo ni Remulla nga modumala sa maong pwesto, ug daghang personalidad ug politiko ang nagpahayag sa ilang pagkontra niini.
Matod pa ni Remulla, ang iyang tinguha mao lamang ang pagserbisyo ug pagbuhat og maayo alang sa katawhan.
Lakip sa shortlist nga gihimo sa Presidente alang sa posisyon sa Ombudsman mao ang mosunod: Michael Aguinaldo, former Chairperson sa Commission on Audit (COA), Stephen Cruz, retired Associate Justice sa Court of Appeals, Samuel Gaerlan, Associate Justice sa Supreme Court, Michael Frederick Musngi, Associate Justice sa Sandiganbayan, Mario Lopez, retired Associate Justice sa Supreme Court, Anna Liza Logan, Deputy Executive Secretary.