Nagpadala si North Korean leader Kim Jong Un og mensahe sa pagpanimbaya kang Russian President Vladimir Putin atol sa pagselebrar sa adlawng natawhan niini, diin iyang gipasiugda ang padayon nga paglig-on sa alyansa tali sa North Korea ug Russia.
Sa maong sulat, gipadayag ni North Korean leader Kim Jong Un ang bug-os nga suporta sa nasud alang sa gitawag niining matarong nga pakigbisog sa Russia aron maprotektahan ang nasudnong soberanya, nga nagtumong sa kasamtangang gubat sa Moscow batok sa Ukraine.
Gipamatud-an usab niini, ang tinuoray nga katuyoan nga sundon ang kasabutan sa strategic partnership treaty nga ilang gipirmahan ni Putin niadtong miaging tuig, nga nagtinguha sa pagpalig-on sa kooperasyon sa depensa, ekonomiya, ug diplomasya.
Ang maong mensahe nagpakita sa nagpadayon nga pagpahugot sa relasyon sa duha ka lider taliwala sa nagkabug-at nga tensiyon sa Russia ug ubang mga nasud.