Nanawagan ang usa ka coach sa gymnastics nga hatagan unta silag igong suporta sa lokal nga panggamhanan ug sa eskwelahan ilabi na sa ilang pag-apil sa mga umaabot nga kompetisyon.
Sa eksklusibong pakighinabi sa Bombo Radyo Malaybalay, kay Daniela Reggie Dela Pisa usa ka coach sa gymnastics nga wala sila nakadawat ug tabang gikan sa lokal nga panggamhanan sa milabay nga mga kompetisyon.
Ang tanang gasto sa pagapil sa kompetisyon lakip na ang training, equipment, ug uban pa gi-ako sa ginikanan sa atleta gani aduna pay kompetisyon ang iyang team nga salmutan sa thailand karong tuiga.
Gipasabot pa ni Coach Dela Pisa nga usa sa ilang mga atleta nga si ZJ Karmelle Idulsa andam na nga mosalmot sa sunod nga kompetisyon apan gikinahanglan nila ang tabang ilabi na sa mga apparatus ug training venue.
Gilauman ni Dela Pisa nga suportahan sa lokal nga paggamhanan karong umaabot nga kompetisyon isip representante sa syudad sa natad sa gymnastics sports.