Ihap sa nangamatay sa Gaza tungod sa mga pag-atake sa Israel, misaka na sa 65-K

Misaka na ang ihap sa mga nangamatay sa mga pag-atake sa Israel sa Gaza nga niabot na sa 64,756.

Matud sa Health Ministry sa Gaza, ang giingon nga gidaghanon sukad niadtong gilunsad sa Israel ang wala’y hunong nga pag-atake batok sa Hamas kaniadtong Oktubre 7, 2023.

Dugang pa, adunay 164, 059 nga uban pa nga nasamdan ug nagpaalim sa mga balay tambalanan.

Kahinumdoman nga daghang mga nasud ang mikondenar sa nasangpit nga nagpadayon nga pag-atake sa Israel tungod sa gidaghanon sa mga inosenteng sibilyan nga apektado niini.

Naghimo usab og mga panagpulong ang lain-laing mga nasud aron ipasiugda ang panaghisgot sa kalinaw tali sa Israel ug Hamas.