Nadakpan sa gipahigayong buy-bust operation sa kapulisan sa Purok-9, Barangay San Nicolas, Don Carlos, ning lalawigan, ang tulo ka mga suspek nga giila nga sila si alias Dadang, 30 anyos; alias Kaloy, 27 anyos; ug alias Pepoy, 33 anyos.
Atol sa operasyon, nakumpiska gikan sa mga dinakpan ang pito (7) ka pakete sa gituohang shabu.
Ang usa niini adunay gibug-aton nga 0.10 gramos nga nagkantidad og P680, samtang ang unom adunay gibug-aton nga 5 gramos nga nagkantidad og P34,000. Nakuha usab ang P500.00 nga buy-bust money, usa ka sling bag nga gisudlanan sa droga.
Ang kinatibuk-ang gibug-aton sa nakumpiska nga shabu miabot sa 5.10 gramos nga adunay standard drug price nga P34,680.
Giandam na usab ang kaso alang sa mga dinakpan tungod sa paglapas sa RA 9165 kon Comprehensive Dangerous Drugs Act of 2002.
Anaa na usab ang tulo ka mga dinakpan sa kustodiya sa Don Carlos Municipal Police Station alang sa tukmang disposasyon.
Samtang ang mga nakumpiskang mga gituohang shabu gidala sa Provincial Forensic Unit alang sa qualitative ug quantitative nga eksaminasyon.