Pagbaha sa Barangay Apo Macote nagpadayon, Redesign sa Spillway gikinahanglan — Kapitan Leono

Dakong problema sa Barangay Apo Macote ang pag awas sa tubig sa spillway nga maoy hinungdan sa pagbaha matag ting-ulan.

Sa eksklusibong pakighinabi sa Bombo Radyo Malaybalay kay Kapitan Vicente Leono nga gikinahanglan na ang pag-redesign sa dalan sa spillway  tungod kay dili na kini angay sa kasamtangang kahimtang.

Mas paspas na karon ang pagtaas sa tubig ug pagbaha kon itandi sa mga miaging katuigan.

Sa laing bahin, medyo nasulbad na ang problema sa pipila ka parte sa barangay. Sumala pa ni Kapitan Leono, gamay na lamang ang problema sa drainage, apan gipanawagan gihapon niya ang katawhan nga magtinabangay sa pagpanalipod sa kinaiyahan.

Ilabi na ang paglabay sa basura sa husto nga lugar aron malikayan ang pagbaha