Gihangyo sa US Government ang extradition ni Pastor Apollo Quiboloy.Si Philippine Ambassador to the United States Jose Manuel “Babe” Romualdez nikompirma nga ang US government nipadala og dokumento ngadto sa Department of Justice kalabotan sa maong butang.Ang opisyal midugang nga ang gobyerno sa US naghangyo niini sukad pa kaniadtong Hunyo.
Si Quiboloy, ang founder sa Kingdom of Jesus Christ, gipangita tungod sa iyang pagkalambigit sa labor trafficking scheme nga nagdala sa mga miyembro sa simbahan ngadto sa US ug namaligya og visa.Gipugos matod pa ang mga miyembro sa pagdonar sa usa ka bogus nga charity apan ang kuwarta giingong gigasto sa maluho nga estilo sa kinabuhi ni Quiboloy.
Ang extradition treaty gipirmahan kaniadtong 1994 sa US ug sa Pilipinas, diin ang tanang extradition kinahanglang isumite pinaagi sa diplomatic channels diin kini gisuportahan sa mga dokumento sa pagkatao ug lokasyon sa tao nga gipangita.
Ang tratado nag-ingon nga ang Pilipinas gimanduan nga ipahibalo dayon sa US pinaagi sa diplomatic channels ang desisyon bahin sa diplomatic channel.Kung maaprobahan ang hangyo, ang mga partido nga nagkontrata magkasabot sa oras ug lugar alang sa pagsurender sa wanted nga tao.