Patay ang drayber sa passenger van human kini mabangga sa trailer truck sa Purok 3, Quarry, Barangay Sampagar, Damulog, Bukidnon. Giila ang drayber nga si Alfredo Lagrimas, hingkod ang pangidaron, ug residente sa Brgy Sinayawan, Valencia City, Bukidnon.
Sakay usab sa van ang sais (6) ka mga pasahero nga pulos residente sulod sa Monastery of Transfiguration sa San Jose, Malaybalay City. Sumala sa report nga nakalap sa Bombo Radyo Malaybalay, ang van padulong sa habagatang direksyon paingon sa Carmen, North Cotabato samtang ang trailer truck naggikan sa laing direksyon pa Kibawe.
Gumikan sa kusog nga impak na trap ang driver ug kinahanglang gamitan og hydraulic equipment aron makuha ang iyang lawas. Wala pa gipagawas ang mga ngalan sa mga sakay samtang nagpadayon pa ang imbestigasyon ug gikoordinahan sa kapulisan ang mga pamilya sa mga biktima. Samtang kasamtangang nagpa alim sa balay tambalan ang mga pasahero. Nahitabo ang aksidente kagahapong adlawa pasado alas 3:30 sa hapon.