Gipadayag sa Department of Agriculture Region 10 nga posibleng makaapekto ang bagyong misaka sa National Capital Region (NCR) sa suplay sa pagkaon, apan andam ang rehiyon nga mutabang bisan limitado lamang ang kapasidad niini.
Sa pakighinabi sa Bombo Radyo Malaybalay, gibutyag ni Regional Executive Director Jose Apollo Pacamalan nga ang Region 10 usa sa mga nag-unang rehiyon nga nagsuporta sa NCR. Kasamtangan, anaa sa harvest season ang rehiyon ug nagahulat sa mando kung kinahanglan bang magpadala og suplay.
Giklaro sa opisyal nga adunay kakulangan sa pondo para sa produksyon sa humay ang maong nasud, apan aduna pa’y mga reserba gikan sa National Food Authority (NFA) ug uban pang rehiyon nga makasuporta sa NCR sa panahon sa kalamidad.
Mipahimangno usab ang opisyal nga kung magpadayon ang epekto sa bagyo, ang Region 10 makahatag og alternatibong suplay ug gamay nga tabang aron matabangan ang NCR na dala sa bagyong Crising.