2 ka mangingisda ug kanhi seaman nga na missing gumikan sa bagyong Crising, padayon pang gipangita

Padayon ang search and rescue operation sa mga otoridad sa mga nahanaw nga mangingisda ug kanhi usa ka seaman nga naanod dala sa makusog nga bul-og sa tubig.

Matud sa pamilya sa biktima nga seaman gisulayan pagkuha niini ang naanod nga kahoy apan nadala kini sa tubig.

Samtang kabahin niini, padayon usab nga gipangita ang duha ka mangingisda nga na missing niadtong Hulyo 15 nga si Glenn Ferreros ug Bernie Flores  niadtong Hulyo 17.

Sumala ni Spokesperson sa Coast Guard Northern Negros Occidental LJG. John Hofer Olis, padayon ang pagpangita sa mga otoridad uban sa Local Risk Reduction and Management Office lakip ang bantay dagat aron marekober ang patayng lawas sa mga biktima.