Midaog ang Pinoy MMA fighter nga si Jhanlo Mark Sangiao pinaagi submission batok sa Mongolian striker nga si Shinechagtga Zoltsetseg.
Nahuman ni Sangiao ang away sa tunga-tunga sa round 3 gamit ang rear naked choke.
Human sa pipila ka segundos sa maong posisyon, mi-tap-out ang kontrang Mongolian.
Sa sinugdanan pa lang agresibo na ang Pinoy fighter ug nipagawas og daghang kombinasyon, lakip na ang pagtaktak gamit ang armbar.
Nakabawi si Zoltsetseg sa ikaduhang hugna apan sa hinapos nga bahin sa away natumba na usab kini sa plastadong striking power ni Sangiao.
Wala gihatagag higayon sa Pinoy pride nga makabalos ang kontra sa ikatulong hugna, gamit ang epektibong takedown sa round 3.
Ang 23-anyos nga Pinoy fighter bag-o lang gikan sa kapildihan batok sa Mongolian nga si Enkh-Ordil Baatarkhuu.
Sa iyang maayong performance, gilauman nga makigtigi kini batok sa ubang bantugang mga fighter sa One Championship sa umaabot nga mga dula.