Subling nanawagan ang Presidente sa Ukraine nga si Volodymyr Zelenskyy sa mga kaalyadong nasud nga tabangan sila sa pagpalig-on sa ilang air-defense.
Atol sa pagtambong niini sa usa ka conference sa Roma, nakakuha og higayon ang Presidente sa Ukraine nga makaatubang sa pipila ka mga lider.
Lakip na usab ang higayon nga naka-video call kini sa dul-ansa 30 ka mga nasud nga gitawag niini nga “Coalition of the Willing”.
Gipasiugda ni Zelenskyy nga ang tabang nga mahatag sa mga nasud usa ka mahinungdanon, hilabi na nga ang dili mohunong ang Russia sa mga air strike sulod sa kapin sa tulo ka tuig nga gyera.
Naghangyo usab kini sa European Union nga ipatuman dayon ang mga silot batok sa Russia.
Samtang misaad usab ang United Kingdom nga maghatag ug kapin sa 5,000 ka air defense missiles sa Ukraine ug kapin sa $384 milyones nga tabang medikal ug pagkaon.
Kini na ang ikaupat nga pakig-pulong, nga karon gidumala sa Punong Ministro sa Italya nga si Giorgia Meloni.