Nahulog sa kanal ang motorsiklo sa usa ka estudyante human kini milikay sa pampasaherong multicab sa Barangay Patpat, syudad sa Malaybalay.
Giila ang drayber sa motorsiklo nga si Koby Bryan Girado, 19 anyos, estudyante, ug residente sa Purok 1, Barangay Dalwangan.
Base sa impormasyon nga nakalap sa Bombo Radyo Malaybalay, anaa sa slow lane si Girado apan kusog ang dagan niini tungod late na matud pa kini sa klase.
Apan gikaingon mikalit lang og balhin sa slow lane ang multicab nga mo-pick-up sa pasahero hinungdan nga milikay kini ug nawad-an og kontrol hinungdan nga nahulog ang gimanehoang motorsiklo sa kanal.
Samtang nakaangkon ang drayber og gagmayng pangos sa kalawasan.
Sumala ni Girado, wala niini nakuha ang plaka sa maong multicab gumikan na taranta na kini.
Padayon pa ang imbestigasyon sa kapulisan alang sa dugang impormasyon.