Gilauman nga mapalapdan ang patigayon tali sa Estados Unidos ug Pilipinas ubos sa bag-ong kasabutan nga nagtumong sa pagtangtang sa taripa sa 99 porsyento sa mga produktong Pilipino nga mosulod sa merkado sa Amerika.
Sa pamahayag nga gipagawas ni US president Donald Trump, kabahin sa kasabotan ang pagdugang sa pagpalit sa Pilipinas sa mga produkto gikan sa US, ilabina sa enerhiya ug agrikultura, bugti sa pagpaubos o pagtangtang sa taripa sa mga produktong Pilipino.
Gilauman usab nga makatabang kini sa pagpalapad sa suplay sa pagkaon ug enerhiya ug posibleng pagpaubos sa presyo sa mga palaliton, bisan wala pa makompleto ang pormal nga kasabotan.

