Mikunhod ngadto sa 1.5 bilyong dolyares ang balance of payments (BOP) deficit sa Pilipinas niadtong Oktubre, mas ubos sa 3.14 bilyong dolyares nga kakulangan niadtong Setyembre, base sa datos sa Bangko Sentral ng Pilipinas.
Apan misaka gihapon ngadto sa 10.59 bilyong dolyares ang kinatibuk-ang deficit sa unang napulo ka bulan sa 2026, kapin doble kumpara sa 4.61 bilyong dolyares sa samang panahon niadtong miaging tuig.
Matud sa BSP, nakaamot sa kakulangan ang padayon nga trade deficit ug paggawas sa puhunan sa mga langyaw nga tigpamuhunan.
Bisan pa niini, nagpabiling igo ang international reserves sa nasud aron matubag ang panginahanglan sa importasyon ug pagbayad sa utang sa gawas sa nasud.

