Napatakang guilty sa korte sa Miami, Florida ang 68-anyos nga pastor nga si Christian Emmanuel Sanon tungod sa iyang pagkalambigit sa laraw sa pagpatay kang kanhing Haitian President Jovenel Moïse niadtong Hulyo 2021.
Matud sa mga piskal, nalambigit si Sanon sa plano nga pahawaon si Moïse sa poder ug pulihan kini isip presidente. Posible siyang mag-atubang og pagkabilanggo hangtod tibuok kinabuhi.
Gipusil patay si Moïse sulod sa iyang pinuy-anan niadtong Hulyo 7, 2021.

