Nagpabiling kompyansa ang prosecution panel nga mapalig-on ang mga ebidensya batok kang Vice President Sara Duterte atol sa impeachment proceedings, bisan nakapresentar na ang kampo sa bise presidente sa ilang mga saksi.
Matud ni prosecution spokesperson Rep. Ace Barbers, adunay dugang mga dokumento ug ebidensya nga ilang ipresentar aron suportahan ang mga alegasyon batok sa bise presidente.
Gikuwestiyon usab ni Barbers ang pinansyal nga transaksiyon nga nalambigit sa Calle 88 Foods Corporation, ilabina ang remittance nga mikabat sa 319 milyones pesos gikan sa China ug ang kapasidad sa kompanya nga makaganansiya og dako.
Dugang pa niya, andam ang prosecution nga atubangon ang mga ebidensya nga ipresentar sa depensa, apan kinahanglan gihapon kini nga mapamatud-an pinaagi sa legal nga proseso.

