HomeLocal NewsBSP, nagsugyot og bag-ong lagda sa pagpahulam sa mga bangko

BSP, nagsugyot og bag-ong lagda sa pagpahulam sa mga bangko

- Advertisement -

Gisugyot sa Bangko Sentral ng Pilipinas (BSP) ang pag-usab sa mga lagda sa pagpahulam sa mga bangko aron mas tukma nilang masukod ang risgo sa mga pautang ug ang kapital nga kinahanglan nilang itagana alang sa posibleng mga kapildihan.

Kabahin sa gisugyot nga reporma ang pagpahi-uyon sa mga lagda sa Pilipinas sa Basel III, usa ka hugpong sa internasyonal nga sumbanan sa pagbangko, kutob sa mahimo. Ilalom niini, mas daghang kapital ang kinahanglan itagana sa mga bangko alang sa pautang nga adunay taas nga risgo, samtang mas gamay alang sa mga pautang nga mas luwas.

Gisugyot usab sa BSP ang mas ubos nga risk weight alang sa mga pautang sa lokal nga pangagamhanan, gagmay ug medium nga negosyo, ug kwalipikadong pautang sa mga konsumidor.

- Advertisement -

Alang sa mga micro, small and medium enterprises (MSMEs) nga maayo ang rekord sa pagbayad sulod sa miaging 12 ka bulan, ipaubos sa 45 porsiyento ang risk weight gikan sa 75 porsiyento. Samtang ang kwalipikadong consumer loans, lakip ang credit card ug pautang sa sakyanan nga maayo ang rekord sa pagbayad, ipaubos usab sa 45 porsiyento gikan sa kasamtangang 100 porsiyento. Dili apil niini ang pautang sa yuta ug balay.

Gusto usab sa BSP nga gamiton ang loan-to-value ratio sa pagtino sa risgo sa pautang nga gigarantiyahan sa mga propedad, imbes ang kasamtangang limitasyon nga 60 porsiyento lamang sa gisukod nga kantidad sa kolateral ang ilhon. Human mahimong epektibo ang bag-ong sirkular, hatagan ang mga bangko og usa ka tuig nga panahon sa pagmonitor ug pagpasaka sa mga report bahin sa ilang kapital ug risgo.

- Advertisement -
RELATED ARTICLES
- Advertisment -

MORE NEWS