HomeLocal NewsTulo ka Regional Most Wanted Persons, nasikop sa mga otoridad sulod...

Tulo ka Regional Most Wanted Persons, nasikop sa mga otoridad sulod sa usa ka adlaw

- Advertisement -

Nadakpan sa kapulisan ang tulo ka Regional Most Wanted Persons nga nagranggo sa Top 7, Top 8 ug Top 10 atol sa managlahing operasyon sa Cagayan de Oro City ug Misamis Oriental niadtong Nobyembre 17, 2026. Una nga nadakpan si alyas “Ronnie,” 30 anyos, pasado alas-8:50 sa buntag sa Barangay Lapasan, Cagayan de Oro City.

Nagranggo kini isip Top 10 Regional Most Wanted Person ug giatubang ang kasong paglapas sa Republic Act 9165 o Comprehensive Dangerous Drugs Act of 2002. Wala kini girekomendaran og piyansa alang sa kasong pagbaligya og ilegal nga droga, samtang gitakda sa 200 mil pesos ang piyansa sa laing kaso nga may kalabotan sa ilegal nga droga.

Sunod nga nadakpan si alyas “Jimboy,” 20 anyos, pasado alas-4:47 sa hapon sa Barangay Macabalan, Cagayan de Oro City.

- Advertisement -

Nagranggo kini isip Top 8 Regional Most Wanted Person ug giatubang ang tulo ka counts sa statutory rape, diin walay girekomendang piyansa alang sa temporaryong kagawasan niini. Samtang, nadakpan usab pasado alas-11:00 sa gabii si alyas “Ar-ar,” 56 anyos, sa Barangay Malanang, Opol, Misamis Oriental.

Nagranggo kini isip Top 7 Regional Most Wanted Person ug giatubang ang 2 counts sa qualified rape, nga wala usab girekomendaran og piyansa. Ang tulo ka suspetsado nadakpan pinaagi sa managlahing operasyon sa mga yunit sa PRO-10 ug kasamtangang anaa na sa kustodiya sa kapulisan samtang gipadayon ang hustong dokumentasyon ug legal nga proseso.

- Advertisement -
RELATED ARTICLES
- Advertisment -

MORE NEWS