HomeLocal NewsPagdungog sa impeachment trial VP Sara Duterte, ipadayon karong adlawa

Pagdungog sa impeachment trial VP Sara Duterte, ipadayon karong adlawa

- Advertisement -

Ipadayon karong Huwebes, Nobyembre 19, ang impeachment trial batok kang Bise Presidente Sara Duterte sa Senado, human gisuspenso sulod sa pipila ka adlaw ang mga pagdungog tungod sa pagpahigayon sa ika-49 nga ASEAN Summit sa Pilipinas.

Gilauman nga mopresentar ang defense team ni Duterte og upat ka testigo karong adlawa ugma, Biyernes, Nobyembre 20, isip kabahin sa ilang presentasyon sa mga ebidensiya batok sa nahibiling Article II sa impeachment complaint.

Lakip sa gipaabot nga motestigo si Atty. Rainer Dela Fuente sa AML Consulting Philippines, nga motuki sa mga probisyon sa Anti-Money Laundering Act o AMLA.

- Advertisement -

Motestigo usab si Department of Trade and Industry Undersecretary for Industry Development and Investment Promotions Group Ceferino Rodolfo kalabot sa rehistrasyon sa Cale88 Foods Corporation sa Board of Investments.

Samtang, gilauman nga maghatag og katin-awan si Food and Drug Administration Director IV Pilar Marilyn Pagayunan kalabot sa rehistrasyon sa produkto sa Cale88 nga sweetened banana chips.

Gilauman usab nga motestigo si Rowena Mendoza, general manager sa Center for International Expositions and Missions o CITEM, o kaha ang iyang representante, kalabot sa mga komunikasyon ug imbitasyon sa Cale88 aron moapil sa mga food exposition.

- Advertisement -

Matud ni Senate impeachment court spokesperson Atty. Reginald Tongol, may kalabotan sa mga alegasyon ubos sa Article II ang mga testimonya sa upat ka gipaabot nga testigo.

- Advertisement -
RELATED ARTICLES
- Advertisment -

MORE NEWS