Nadakpan sa kapolisan ang gikonsiderang Top 1 most wanted person sa municipal level sa Bukidnon tungod sa kasong murder ug duha ka ihap sa frustrated murder sa operasyon sa Carmelite Church, Barangay Camaman-an, Cagayan de Oro City, alas 8:10 kagabii.
Giila ang dinakpan nga si Andy Inda, 42 anyos, minyo ug residente sa Barangay Lumbo, Valencia City, Bukidnon.
Gipagawas ang warrant of arrest batok kaniya niadtong Nobyembre 18, 2022, diin walay girekomendar nga pyansa sa murder samtang 200 mil pesos ang pyansa sa matag ihap sa frustrated murder.
Anaa na sa kustodiya sa Sumilao Municipal Police Station ang suspek alang sa dokumentasyon ug hustong disposisyon.

