Patay ang usa ka lalaking gikaingong street food vendor human gipusil sa wala pa mailang suspek pasado alas 7:30 kagabie sa Brgy. Dologon, Maramag, Bukidnon.
Giila ang biktima nga si Winime Calimpas Caballes, 42 anyos, minyo, ug residente sa Purok-4A, Bayabason, Maramag Bukidnon.
Gikatahong gipusil ang maong biktima sa ulo niini nga miresulta sa hinanaling kamatayon.
Sumala sa mga nakasaksi, adunay duha ka lalaki nga sakay sa motorsiklo nga nakabonet ang mipusil kang Caballes, gamit ang wala pa matino nga klasi sa armas.
Gisulayan pa sa pagdala sa balay tambalanan ang biktima apan gideklara na kining dead-on-arrival.Â
Padayon ang imbestigasyon sa otoridad alang sa pagsuta sa mga suspetsado ug pagtino sa motibo sa maong krimen.