Gibutyag sa Bukidnon Provincial Medical Center nga adunay mga higayon nga ang mga kawani sa ospital nga mokuha sa bulsa o mogamit sa kaugalingong salapi aron mapalit ang gikinahanglang tambal sa kabos nga mga pasyente tungod sa kakulang sa suplay niini.
Matud ni (BPMC) Chief nga si Dr. Miguel Antonio C. Prantilla, tungod sa kadaghan sa mga pasyenteng ilang giatiman, adunay mga higayon nga mapugos silang mangitag tambal gikan sa gawas sa ospital.
Gipasabot usab niini nga dili nila pasagdan ang mga pasyenteng walay ikapalit sa tambal, ilabina kadtong kabos nga nagkinahanglan gayod og tabang.
Subay niini, gipatin-aw ni Dr. Prantilla nga aduna usab mga social worker ang ospital nga muabag sa kahimtang sa matag pasyente aron mahibal-an kung kinsa ang adunay kapasidad sa pagpalit sa ilang kaugalingong tambal nga wala mahatag sa ospital.
Matud niini, hangyuon ang mga pasyenteng makasarang nga moamot sa pagpalit sa ilang tambal aron mapreserbar ang gitagana nga pondo alang sa mga kabos nga pasyente.