Nagsugod ang usa ka makapakurat nga eksperimento sa China diin unom ka humanoid robots ang gipailawom sa usa ka 24-oras nga shift sa usa ka convenience store, apan duha kanila ang wala makapasar sa assessment.
Ang hagit, gitawag og “Robots Never Clock Out,” gipahigayon sa Chinese robotics company nga Agibot gikan Nobyembre 2 hangtod 3 sa usa ka convenience store sa Xuhui district sa Shanghai, aron sulayan ang abilidad sa mga robot sa paghimo sa trabaho sa ordinaryong mga kawani.
Gigamit ang unom ka G2 humanoid robots sa pag-restock sa shelves, pagtimpla og kape, pag-andam og init nga pagkaon, pagtimbaya sa mga kustomer, ug paglabay sa basura, sulod sa upat ka shifts lakip ang “lunch rush” ug “overnight duty.”
Aron mas mahagit pa, gituyong gihatagan sila og makalibog nga mga sitwasyon, lakip ang pagpaila sa regular ug “sugar-free softdrinks,” pagbutang og “obstacles,” ug paglihok sa “container” samtang nangita og pagkaon.
Sulod sa 24 oras, nakompleto sa unom ka robots ang kinatibuk-ang 1,730 ka mga buluhaton, lakip ang 683 ka pagtimbaya sa kustomer, 369 ka pagkuha ug paghatod sa mga butang, ug 147 ka tasa sa kape.
Apan, upat lamang sa unom ka robots ang nakapasar sa assessment, nga nagpakita sa kasamtangang limitasyon sa teknolohiya.
Ang robot nga gitahasan sa “cleaning” ug ang nag-“patrol” sa shelves ang wala makapasar; ang ulahi kulang sa “initiative” ug wala makasabay sa paspas nga “turnover” sa mga butang, samtang ang “cleaning robot” miliko sa ruta human makakita og puno nga “trash can” atol sa “night shift,” migawas sa “convenience store,” ug nahimulag sa “assigned area.”
Wala giklaro sa report kung ang matag robot padayon nga nag-operate sa tibuok 24 oras, kung kinahanglan ba silang mag-“charge,” moagi sa “maintenance,” o makadawat og tabang gikan sa tawo, ni kung mas paspas o mas barato ba ang ilang trabaho kumpara sa mga “human employees.”
Padayon nga nagkadaghan ang mga kompanya sa China nga nagsulay sa paggamit sa “humanoid robots” sa “factories” ug uban pang “workplaces,” apan nagpabilin pa nga gisusi ang ilang epektibo kumpara sa mga tawo.