Gikuwestiyon ni Vice President Sara Duterte ang paghatag og balde isip tubag sa administrasyong Marcos sa posibleng epekto sa Super El Niño, diin iyang gipasiugda nga mas lawom nga pagpangandam ang gikinahanglan aron malikayan ang kakulang sa tubig ug pagkaon.
Matod ni Duterte, dili igo ang pag-apod-apod og mga sudlanan sa tubig tungod kay posibleng maapektuhan sa grabeng hulaw ang mga pananom ug suplay sa pagkaon. Gikinahanglan usab nga sayo nang planohon sa gobyerno ang pagtipig sa pagkaon ug posibleng pag-angkat niini, ilabi na sa posibilidad nga mosaka ang gasto tungod sa taas nga palitan sa dolyar.
Sa laing bahin, gisugyot usab ni Duterte ang pagpadala og psychosocial support team sa Hong Kong sa sunod tuig aron adunay matakdanan og estorya ug matabangan ang mga Pilipinong nag-atubang og emosyonal nga kalisdanan. Iyang gibutyag nga naapektuhan usab sa mga pag-atake batok kaniya ang pipila ka empleyado sa Office of the Vice President (OVP), nga usahay mahadlok ug maglisod sa pagdumala sa ilang gibati.
Gihisgutan usab ni Duterte ang kalainan sa pagsabot sa mga komedya sa mga Bisaya ug Tagalog, ug gipatin-aw nga ang pagkomedya dili angay iparehas sa pagpahayag sa kamatuoran