Gikatakda nga moagi sa pormal nga proseso ang tanang lakang sa posibleng pre-termination sa joint venture tali sa Malaybalay City Water District ug PrimeWater, taliwala sa padayong kakuwang sa suplay sa tubig nga nakaapekto sa daghang konsumidor sa lungsod.
Sa pakighinabi sa Bombo Radyo Malaybalay, gipasabot ni Engr. Nolito S. Binahon, general manager sa water district, nga kinahanglan una ang issuance sa Notice of Non-Compliance sumala sa kontrata. Kung mapakyas ang PrimeWater sa pagtuman sa ilang mga obligasyon sulod sa serbisyo sa tubig, mosulod dayon ang breach of contract, nga maoy mugikanan sa legal nga pre-termination process.
Dugang pa,pagahatagan og 90 ka adlaw ang PrimeWater aron matubag ang mga kakulangan ug buhaton ang angay nga lakang aron mapalambo ang serbisyo sa tubig. Nagpadayon ang monitoring sa water district aron maseguro nga protektado ang interes sa katawhan ug matubag ang dugay nang problema sa kakuwang sa limpyo nga suplay sa tubig.