Gipahayag sa House prosecution panel ang kamahinungdanon sa pagpresentar ug pagtubag sa mga ebidensiya batok kang Bise Presidente Sara Duterte aron malikayan ang dugang paglangan sa impeachment trial.
Sa pakighinabi sa Bombo Radyo, gipunting ni Deputy Speaker atty. Garin ang mga rekord sa bangko, ₱4.4 bilyong aggregate transactions ug posibleng unexplained wealth nga nalambigit sa imbestigasyon.
Matud ni Garin, importante usab ang pagpasabot sa kalainan sa gipahayag nga mga kabtangan ni Duterte sa iyang SALN ug sa mga rekord sa bangko nga gisusi sa mga awtoridad.
Gipahayag usab sa opisyal nga kon sundon ang hustong proseso ug malikayan ang dili kinahanglanong paglangan, adunay posibilidad nga mahuman ang impeachment proceedings sa gitakdang panahon.