Nagkalainlain ang reaksyon sa mga konsumidor sa gisugyot nga balaodnon nga magdili sa mga sari-sari store sa pagbaligya og mga tambal, ilabina sa mga lumulupyo nga nagsalig niini alang sa ilang inadlaw nga panginahanglan.
Matud ni Jocelyn, usa ka konsumidor, posibleng maglisod ang mga residente nga nagpuyo sa hilit nga mga lugar kon dili na sila makapalit og tambal sa mga duol nga tindahan.
Gipasabot usab niya nga mahimong madugangan ang ilang gasto ug kalisod tungod sa panginahanglan nga mobiyahe pa ngadto sa mga botika aron makapalit sa gikinahanglang tambal.
Kahinumduman nga gisugyot ang maong balaodnon aron masiguro nga ang pagbaligya sa mga tambal, lakip ang mga over-the-counter medicines, himuon lamang sa mga tindahang adunay tukmang lisensiya, ug malikayan ang pagbaligya sa peke, wala marehistro ug expired nga mga tambal.