- Advertisement -
Nagpadayag og katagbawan ang Iran sa resulta sa US midterm elections human giangkon ni US President Donald Trump nga dakong hinungdan sa kapildihan sa iyang partido ang nagpadayon nga giyera tali sa Estados Unidos ug Iran.
Matud sa mga opisyal sa Tehran, nagpakita ang resulta sa eleksiyon nga supak ang katawhang Amerikano sa giyera nga nakaapekto sa presyo sa lana ug sa gasto sa pang-adlaw-adlaw nga panginabuhi.
Bisan pa niini, gipasalig ni Trump nga magpabiling andam ang Estados Unidos sa posibleng pag-atake batok sa mga pasilidad nukleyar sa Iran kon gikinahanglan, bisan pa sa mga panawagan sa mga lider sa Democratic Party nga tapuson na ang panagbangi.
- Advertisement -