Gihagit sa Malacañang ang Philippine National Police (PNP) nga ipatuman ang warrant of arrest batok kay Senator Ronald “Bato” Dela Rosa ug tumanon ang ilang katungdanan nga walay gipili o gidapigan.
Giklaro ni Palace Press Officer Usec. Claire Castro nga walay gipakitang pagkadismaya si Presidente Ferdinand Marcos Jr. sa padayon nga pagpaniktik ug operasyon sa mga awtoridad, bisan pa man sa pagtago-tago sa senador. Gipahayag ni Castro nga dili angay nga mahimong balabag sa pag-alisto ang personal nga relasyon ni PNP Chief General Jose Melencio Nartatez Jr. ug Dela Rosa—nga parehong gikan sa Philippine Military Academy (PMA).
Dugang pa sa Palasyo, naglaum silang unahon sa pamunoan sa PNP ang katungdanan sa nasud kaysa panaghigalaay, ug gihagit ang DILG ug kapulisan nga ipakita ang ilang integridad sa pagpatuman sa balaod.